380x80 400x80

Sosial mənzillər üçün aylıq ödəniş açıqlandı - Məbləğlər

Sosial

29.01.2018 | 13:53 Oxunub: 77


Mənzil İnşaatı Dövlət Agentliyinin ilk layihəsi olan və xarici dairəvi avtomobil yolunun kənarında yerləşən Yasamal Yaşayış Kompleksinin ümumi sahəsi 11,6 hektardır. Kompleks böyük bir ərazini əhatə etməklə, çox əlverişli – şəhərin ekoloji cəhətdən təmiz bir məkanında salınır.

Parafraz-ın məlumatına görə, MİDA-nın mətbuat katibi Diana Dadaşova müsahibəsində bildirib ki, layihəyə görə kompleks 29 çoxmənzilli yaşayış binasından ibarət olacaq. Bunlardan 17-sinin 2-bloklu 9-mərtəbəli, 12-sinin isə 1-bloklu 12-mərtəbəli olması planlaşdırılır. Bu binalardakı 1843 mənzildən 324-ü birotaqlı, 1052-si ikiotaqlı, 467-si isə üçotaqlıdır. Birotaqlı mənzillərin sahəsi 31-33 kvadratmetr, ikiotaqlı mənzillərin 50-58 kvadratmetr, üçotaqlı mənzillərin sahəsi isə təqribən 70 kvadratmetrdir.

Mənzil almaq istəyənlərin əksəriyyətinin təmirli evə üstünlük verdiyini nəzərə alaraq, bütün mənzillər vətəndaşlara tam təmirli vəziyyətdə və mətbəx mebeli ilə birlikdə təklif olunacaq.

Nəzərə çatdırılıb ki, Yasamal Yaşayış Kompleksində mənzilə sahib olmaq istəyən vətəndaşlar üçün kompleks haqqında məlumatların ətraflı təqdim olunduğu internet səhifəsi istifadəyə verilib. www.yasamal.mida.az  ünvanında yerləşən internet səhifə rahatlığı və funksionallığı ilə seçilir. Həmin səhifəyə daxil olan hər kəs 5 əsas bölmədən ibarət menyu vasitəsilə Yasamal Yaşayış Kompleksinin hər bir binası, eləcə də, mənzillərin daxili və xarici perimetr üzrə sahələri, otaqlarının sayı, interyer nümunələri, tikinti ərazisinin baş planı ilə tanış ola bilər. Vətəndaşlar üçün, həmçinin Azərbaycan Respublikası İpoteka və Kredit Zəmanət Fondunun illik 4 faizlə verilən güzəştli ipoteka proqramı çərçivəsində uzunmüddətli ödəniş imkanı da yaradılıb. Xatırladaq ki, bu, ölkədə mənzil satışı ilə bağlı ən sərfəli ödəniş formasıdır.

D.Dadaşovanın sözlərinə görə, MİDA-nın müştərilərə təklif etdiyi mənzillər yerləşdiyi ərazi üzrə orta bazar qiymətindən aşağı olacaq. Məsələn, güzəştli ipoteka üzrə 30 illik kreditlə birotaqlı mənzil üçün aylıq ödəniş təqribən 130-150 manat, ikiotaqlı mənzil üçün 200-250 manat, üçotaqlı mənzil üçünsə 300-350 manat nəzərdə tutulub. Göründüyü kimi, bu qiymətlər paytaxtda kirayəyə verilən mənzillərin qiymətindən də faktiki olaraq aşağıdır.

İnternet səhifəsində Yasamal Yaşayış Kompleksinin layihələndirilməsi zamanı xüsusilə diqqət yetirilən amillər, yəni sakinlərin rahatlığı üçün yaradılan şərait, nəqliyyat infrastrukturu, mənzillərin təmiri, istifadə olunan inşaat materialları haqqında ətraflı məlumat da əldə etmək mümkündür. Burada, həmçinin güzəştlə mənzil əldə etmək hüququna malik olan şəxslər, həmin şəxslərin müraciət qaydası, mümkün ödəniş üsulları, “MİDA” MMC ilə əməkdaşlıq edən agent banklar və vətəndaşları maraqlandıran digər zəruri məlumatlar da yer alıb.

Yasamal Yaşayış Kompleksinin layihələndirilməsində müasir şəhərlərin aktual problemlərindən sayılan yaşıllaşdırma və infrastruktur məsələlərinə xüsusi önəm verildiyini qeyd edən D.Dadaşova kompleksin ərazisində şam ağaclarından ibarət 5 hektara yaxın yaşıllıq zonasının salındığını bildirib. Eyni zamanda, Yasamal Yaşayış Kompleksində tikilialtı sahə ərazinin 30 faizini belə təşkil etmir: ərazinin böyük hissəsi geniş həyətlər, yaşıllıq zonaları, həmçinin uşaq meydançaları, stadion və insanların rahat və sağlam yaşayışına xidmət edəcək digər infrastruktur üçün ayrılıb.

Yasamal Yaşayış Kompleksində mənzil almağın üstün cəhətlərindən söz açan MİDA rəsmisi deyib ki, layihə müəllifləri müasir şəhərsalma prinsiplərinə riayət etməklə, piyadaların və nəqliyyat vasitələrinin, o cümlədən yaşlılar, əlillər və uşaqların rahat, maneəsiz və təhlükəsiz hərəkətini təmin etmək üçün lazımi infrastruktur yaradıblar. Kompleksə 4 istiqamətdə marşrut xətlərinin çəkilməsi də nəzərdə tutulub. Belə ki, metronun “Elmlər Akademiyası” və “Gənclik” stansiyaları, 4-cü mikrorayon ərazisi, Lökbatan Nəqliyyat Mübadilə Mərkəzi, həmçinin “Sədərək” ticarət mərkəzi istiqamətində hərəkət edəcək marşrut xətləri sakinlərin mənzil başına vaxtında çatmalarına şərait yaradacaq.

Qeyd edək ki, bu sahədə digər yeniliklərdən biri də, güzəştli mənzil əldə etmək hüququna malik vətəndaşların real vaxt rejimində və şəffaf qeydiyyatının aparılması üçün “Elektron hökumət” portalında “Güzəştli mənzil” sisteminin yaradılmasıdır.

D.Dadaşova bununla bağlı bildirib ki, bugünədək “Güzəştli mənzil” elektron sistemi vasitəsilə 7600-dən artıq vətəndaşın mənzil əldə etmək hüququ təsdiqlənərək həmin şəxslər üçün fərdi elektron kabinetin yaradılması təmin edilib. Növbəti mərhələdə “Güzəştli mənzil” sistemində yeni satış modulu istifadəyə veriləcək. Hazırda aparılan müvafiq texniki tamamlama və test işləri yekunlaşdırıldıqdan sonra Yasamal Yaşayış Kompleksinin ilk mənzillərinin satışı ilə bağlı elan veriləcək və vətəndaşlara mənzilləri sistem vasitəsilə seçmək imkanı yaradılacaq. Bu da ölkəmizdə mənzil satışının təşkili sahəsində bir yenilikdir. “Bu gün kompleksin 29 çoxmənzilli yaşayış binasının, məktəb, uşaq bağçası və digər sosial obyektlərinin tikintisi, habelə ərazinin müvafiq mühəndis-kommunikasiya sistemi ilə təchiz edilməsi işləri paralel aparılmaqdadır. Tikintidə 20-dən artıq şirkət iştirak edir, ümumi inşaat prosesinə 3000 nəfərə yaxın işçi cəlb olunub. Kompleksin ilk 15 yaşayış binasının və 960 şagird yerlik ümumtəhsil məktəb binasının konstruksiya və hörgü işləri artıq başa çatdırılıb, həmin tikililərdə tamamlama-bəzək işləri davam etdirilir. Kompleksin digər binalarının tikintisi müxtəlif icra mərhələlərində olmaqla aparılır. Yasamal Yaşayış Kompleksində ilk mənzillərinin bu ilin yay aylarında gələcək sakinlərinə təqdim olunması planlaşdırılır. Ümumilikdə isə kompleks 2019-cu ildə tam təhvil veriləcək”.

Xatırladaq ki, Mənzil İnşaatı Dövlət Agentliyinin uyğun qiymətə mənzil tikintisi üzrə növbəti layihəsi Bakı şəhərinin Suraxanı rayonunda, Hövsan qəsəbəsinin yaxınlığında 20 hektarlıq ərazidə inşa olunacaq Hövsan Yaşayış Kompleksidir. Ötən müddət ərzində bu yaşayış kompleksinin ərazisi üzrə şəhərsalma əsaslandırılması hazırlanıb, binaların layihələndirilməsi işləri aparılıb.

Bu barədə məlumat verən agentliyin mətbuat katibi diqqətə çatdırıb ki, ötən ilin dekabrın 24-də Prezident İlham Əliyev və birinci xanım Mehriban Əliyeva Hövsan Yaşayış Kompleksinin ilk 7 mərtəbəli yaşayış binasının təməlqoyma mərasimində iştirak edib. Kompleks 11 çoxmənzilli yaşayış binasından ibarətdir. Bunlardan yeddisinin 7-mərtəbəli 18 girişli, dördünün isə 10-mərtəbəli 1 girişli olması nəzərdə tutulur. Bu binalarda, ümumilikdə, 3002 mənzil olacaq ki, onlardan 280-nin birotaqlı, 1481-nin ikiotaqlı, 940-nın üçotaqlı, 301-nin isə dördotaqlı olması planlaşdırılır.

“Hövsan Yaşayış Kompleksi ərazisində çoxmənzilli binalarla yanaşı, insanların rahat yaşayışı üçün zəruri olan hər cür şəraitin yaradılması, geniş həyətlərin, yaşıllıq zonalarının, uşaq meydançalarının, sosial infrastruktur obyektlərinin tikintisi təmin ediləcək. Kompleksin ərazisində sakinlərinin bütün ehtiyaclarını ödəmək məqsədilə hər biri 260 yerlik olmaqla iki uşaq bağçasının, 1920 şagird yerlik ümumtəhsil məktəbinin, ticarət mərkəzinin və xəstəxananın istifadəyə verilməsi nəzərdə tutulur. Bununla yanaşı, ərazidə müvafiq nəqliyyat infrastrukturunun yaradılması və şəhərin ictimai nəqliyyat sisteminə inteqrasiyası planlaşdırılır”, - deyə D.Dadaşova bildirib.

AzərTAc



Sosial

20.02.2018 | 11:52“Sovetski”dən köçürülmənin 2-ci mərhələsi barədə qərar
19.02.2018 | 09:48“Virtual Məkanda Azərbaycan” layihəsinin ilk təlimi
18.02.2018 | 11:24

Azərbaycan erkəyi - Nazlı Pəncəliyeva

16.02.2018 | 18:36Leyla Əliyeva babasını təbrik etdi
16.02.2018 | 15:51QHT sədrlərindən Türkiyəyə dəstək çağırışı
16.02.2018 | 13:37Türkiyəli professor Bilik Fondunda
15.02.2018 | 18:32

Martda neçə gün iş olmayacaq? - Rəsmi

14.02.2018 | 20:23Türkiyə ilə Azərbaycan arasında “qardaş məktəb” layihəsi
14.02.2018 | 17:44

Bu azərbaycanlılar hamımızı bezdirib - Şərif Ağayar

13.02.2018 | 17:39

Körpələrə qoyulmasına icazə verilən qəribə adlar - Siyahı

13.02.2018 | 10:48

Qız övladını qəbul etməyən atalar - Könül Cəfərli yazır

11.02.2018 | 21:52Firon xanımları necə gənc qalırdılar?
10.02.2018 | 09:37Müəlliflərin qonorarının 5 faizi həcmində haqq ödəniləcək
08.02.2018 | 11:19Rza Rzayev harda səhv edir?
07.02.2018 | 19:29Bu il aprelin 11-i rəsmən qeyri-iş günü elan edildi
07.02.2018 | 16:51

5 günlük körpəsini öldürmək istəyən ana - Könül Cəfərli yazır

06.02.2018 | 15:28

“İrəli”dən yeni layihə - “Virtual Məkanda Azərbaycan”

06.02.2018 | 14:24“Uşağına “Arenda”, “Toybəy” adı qoymaq istəyənlər var”
05.02.2018 | 14:21

Deputatlar uşaq sığınacağında - Foto

05.02.2018 | 12:37Azərbaycanlı ailəsində doğulan zənci uşağın atası kimdir?
04.02.2018 | 11:35Ümumdünya Xərçənglə Mübarizə günüdür
02.02.2018 | 09:48Gənclər günüdür
01.02.2018 | 22:5114 yaşı tamam olmamış şəxslərə dərman satılmayacaq?
01.02.2018 | 12:48Arzu Rəhimov Qusarda qəbul keçirəcək
31.01.2018 | 11:44

Ərinin onu döyməsi ilə fəxr edən aktrisa - Günel Natiq

30.01.2018 | 14:25Əbülfəs Qarayev Xırdalanda vətəndaşlarla görüşdü
29.01.2018 | 17:41Bacısının vətəndaş nikahında yaşamasına razı olmayan “müasir oğlanlar”
29.01.2018 | 13:53

Sosial mənzillər üçün aylıq ödəniş açıqlandı - Məbləğlər

28.01.2018 | 19:26

Abşeronun 158 yaşlı mayakı - Tarix

26.01.2018 | 10:42Dünya Ekoloji Təhsil günüdür